हाम्राे राप्ती 88.5 एफ एम  

Categories

सामाजिक सञ्जाल

Hamro Rapti 88.5 FM

पूर्वि चितवनको सर्वाधिक सुनिने, राप्ती नगरपालिकाको पहिलो रेडियो

बेलकोटगढीका नगरप्रमुख, जसले नमुना नगरपालिका बनाउन हर कसरत गर्ने संकल्प गरे

सुजन प्रेमी
नुवाकोट, १० चैत २०७४ ।
नुवाकोट जिल्लाको दुइ नगरपालीका मध्ये ग्रामिण नगरपालिका भनेर चिनिने बेलकोटगढी नगरपालिका हो । जिल्लाको सदरमुकाममा पर्ने बिदुर नगरपालिका आफैमा सुविधासम्पन्न छ तर नेपाल संघियतामा प्रवेश गरेपछी नगरपालिकामा परिणत भएको बेलकोटगढी नगरपालिका जिल्लाको पछि परेका जिल्लाहरुबाटै निर्मित भएको हो । स्थानिय तहको चुनावमा नगरप्रमुख भएर तत्कालिन नेकपा एमालेबाट प्रमुख जित्नुभएका साविकको मदानपुर गाविसका राजेन्द्र रमण खनाल नगरप्रमुख बन्नुभएको छ । साविकको दुइपिपल, जिलिङ, बेलकोट कुमरी, रातमाटे, र मदानपुरका केही वडा मिसिएर बनेको बेलकोटगढी नगरपालिकामा साँच्चै जनताले चाहेजस्तो मेयर चुनिएका छन् । मान्छेका सबै काम राम्रा नहोला तर राम्रा कामको पनी प्रशंशा गर्न सक्नु मानवियताको असलताभित्र पर्दछ । राजेन्द्र रमन खनालले के बोले भन्दा पनी के गरे भन्ने कुरा हामीले महशुस गरेका छौँ । खनाल नगरप्रमुख भैसकेपछी रेडियो बृन्दा अनलाइनसंगको कुराकानीमा र हामीले उहाँको कार्यशैलीको चाल बुझ्दा फरक पाएनौँ । उहाँ नगरप्रमुख भैसकेपछी नगरपालीकामा विकाशको गती आकाशिदै गएको सबैले महशुस गर्न सक्छन् । नगरपालिकाका १३ वटै वडाहरुमा अति आवस्यक सडक यातयात पुराउनका लागी २५५ सडक निर्माण हुन थालेको छ । बेलकोटगढी नगरपालिका कार्यलय बाखोरसम्म सबै वडाका सडकसञ्जाल जोड्नका लागी आफुले काम सुरु गरेको नगरप्रमुख राजेन्द्र रमण खनालले बताउनुभयो । नमुना नगरपालिका बनाउने खनालको सोचअनुसार नगरभित्रका सार्वजनिक ठाउको पहिचान गरि त्यस क्षेत्रमा बृक्षारोपन, पिकनिक स्थल, पर्यटकिय स्थल लगाएतका सार्वजनीक ठाउँ बनाएने छ । आफ्नो कार्यकालको एक समयपनी खेर नजाने गराउने नगरप्रमुखको भनाइ छ । जनताले महशुस गर्नेगरी काम गर्न आफु तत्पर रहेको उहाँको भनाइ छ । नगरपालीकामा रहेको बैधवनलाइ पकिनिक स्थल बनाउने र ककनी भन्दा अग्लो स्थानमा रहेकने चिम्टेश्वरलाइ पर्यटकिय स्थलको रुपमा अगाडी बढाउने खनालले आश्वासन दिनुभयो ।

खनालकै भनाइलाइ हामीले बुझ्दा सो कार्यको लागी प्रारम्धीक कार्यपनी अगाढी बढिसकेको हामिले पाएका छौँ । भुकम्प पिडितको बिषयमा कुरा गर्दा बास्तविक पिडितलाइ कुनैपनी हालतमा राहत दिलाउने उहाँको प्रतिबद्धता छ । तर बेलकोटगढी नगरपालिकाका भूकम्पपीडितले सरकारले निजी आवास निर्माणका लागि दिने अनुदानको अन्तिम किस्ता लिनका लागि घरको नक्शा अनिवार्य रुपमा पास गर्नुपर्ने उहाँको भनाइ छ । नगरपालिकाले पुनःनिर्माण प्राधिकरणमार्फत घर निर्माण गरिरहेका र नगरपालिकाभित्र आफूखुशी घर निर्माण गर्ने नगरवासीले अनिवार्य नक्शा पारित गर्नुपर्ने निर्णय गरी नक्शा पारितको दस्तुरसमेत तोकेको छ । खनालका अनुसार नक्शा निर्माणका लागि नगरपालिकामा सूचीकृत परामर्शदाताले रु दुई हजार ५०० भन्दा बढी रकम असुल गर्न नपाउनेसमेत निर्णय भएको छ । नगरपालिकाका सबै घरको नक्शा पारित गरेर मात्र घर निर्माण गर्ने प्रचलनको थालनी गर्न यस्तो व्यवस्था गरिएको नगरप्रमुख राजेन्द्ररमण खनालले बताउनुभयो । नगरपालिकालेभूकम्पपीडित नगरवासीको घरको नक्शा बनाउनका लागि प्राविधिकको सूची नै माग गरेर कार्यालयमा सूचीकृत गरिराखेको छ । भूकम्पपीडितले सोही सूचीमा रहेको परामर्शदाता प्राविधिकमार्फत नक्शा बनाएर नगरपालिकामा पेश गर्नुपर्ने व्यवस्था गरिएको नगरपालिकाका मेयर खनालले बताउनुभयो ।
तस्बिर: खनालको फेसबुकबाट

Spread the love
  •  
  •  
  •  
  •  
  •   
  •  
  •  
Copyright © All rights reserved. Hamrorapti 88.5FM | Website Creator:- S.P. Publication & Communication technology Pvt by Sujan Premi.